يا خالق الادمي ومحـدد

[size=12]يالله ياللي قلوب الناس تحـت امـره يحيـي نبضهـا وينهاهـا ويامرهـا

يا خالق الادمي ومحـدد (ن) عمـره حرًم عظامي على النـار وسعايرهـا

الله خلقنا نعبـده والقصـص عبـره تذكيـر وايـات باطنهـا وظاهرهـا

ادم وحوا مـع الشيطـان والشجـره عبره عظيمه لمن ماتـت ضمايرهـا

ويونس عليه السلام اللي سبح بحره واخرجه من بطن حوت ومن مخاطرها

انا نويت ارمـي المسبـاح والغتـره واقول كلمه صحيحه ماحـد ينكرهـا

الشاعر اللي ما فاد الناس من شعـره اطيب له الصمت لا يعمـي بصايرهـا

لو ما استفدنا من التاريـخ والخبـره فالحق ما يجرح النـاس ومشاعرهـا

المظهر الخارجي والمـال والشهـره وظلم البشر سيل العيـن ومحاجرهـا

ومجاهر بالمعاصـي دب كـل اسـره ولا تبدي الناس ما تخفـي سرايرهـا

ومخالفة مـا ورد فالسيـره العطـره خلانـي اعـزي الامـه واجابـرهـا

اي والله النفس تجمح جمحة المهـره ان كان ما اذعنتها ياطـاك حافرهـا

الدين يعصمك من الشيطان والزمـره الزمـره اللـي معمرهـا يدمـرهـا

واللي صبر عالمكاره وش جزا صبره ياللي عيونك عاى اللـذات مسهرهـا

احسب حساب الحشر يا واطي الجمره اذا ارتكبـت الخطـيـه لا تكـررهـا

سدد وقارب ويوم الذيب مـن عمـره وحافظ على نعمـة مـولاك سخرهـا

واستغفر الله في المده وفي الجـزره ونفسك من الذل والعصيـات حررهـا

وش ينفع القلب الاعمى لا وزا قبـره ويحا سبونـه بماضيهـا وحاضرهـا

ان كان ما خفت من كونك عالفطـره وشلون تنجا مـن النـار وسعايرهـا [/size]