يالله

<H1>قصيدة يالله يا معبود

يالله يا معبود علام الاحوال
ياللي بيديك تعز خل وخليله

انت الاله وتقصدك كل الاعمال
عبدك ضعيف وماملك اي حيله

ياللي بيديك تبدل الحال بالحال
وامرك يدوّر بين يومٍ وليله

يالله تنجينا من القيل والقال
وانك تسلكنا دروب الفضيله

انت القوي ولا حدٍ فيك يحتال
قلبي غشاه الهم ليتك تشيله

باسباب منهو ماخذ الكذب منوال
مسالكة درب التعس والرذيله

دايم على سلم الرديين دجّال
فبنك المراجل ما لقا له حصيله

كنه موصينه على طبع الانذال
دمه ثقيل وعشرته مستحيله

يفرق عن رجال بهم يطرب البال
واحدهم بعيني يساوي قبيله

كنك اذا شفته تشوف التبهلال
تنصاه في وقت الرخا والفتيله

شخصن يقدم مالقا دون مكيال
ولامن فنا اللي بيده كر خيله

ماعاد ابي غيره ولاني بمختال
هذي الحقيقه ومادخلها فشيله

وغيري طروها واصدق القول بمثال
وكل شي يوضح للعقول المثيله

قاله ابن حثلين مع سيحة البال
يومه يندد بالزميل لزميله

(هذا ولد عمن وهذا ولد خال
وهذا رفيقن ما ندور بديله)

و(يا ليت رجال يبدل برجال
يا ليت فى بدلا الرجاجيل حيله)

وياويل قلبي كل ما الحظ قد مال
كنه على ضعف الاراده وسيله

حظن ردين كنه الدم لاسال
وبيتن بليا ساس وش ينبني له؟

وياوجد قلبي كل ما راح الارسال
وجد اللذي اصبح وعينه عليله

البارحه ساهر على ضو الاهلال
واليوم عتمه شوفته عزتي له

يهتز قلبه كل ما مر الاطلال
ودموع عينه بالمحاجر مسيله

يالله ياقاوي على كل الاهوال
انك تخفف ضيقتي بت هليله

هذي رساله عاقلن لم عقّال
واللي قراها عارفن بالوسيله

</H1>