الحب بأشواق العمر

كنك ورق غصني وأنا في وقفتي مثل الشجر
طحتي من غصوني ونا وياك لا يمكن أطيح
الحب بأشواق العمر ياما تهيج وانفجر
وإنتي ولا إنتي داريه لو أشتكي همي وأصيح
يا بنت ما عشتك وصل لجلك تموتيني هجر
إن مت بعيون الهوى ببقى بهالدنيا جريح
كنت أحسبنّك تصبري لو كان من شعرك أجر
ما تتركيني بالهوى مرضان وبهمي طريح
دامك تبعتي عاذل ٍ منطوقه أسلوب الغجر
فتحملي كل الألم لو جرك لحدّ الضريح
لونك عطيتي خامسه وألجمتي بفمه حجر
وخليتي أحلام الهوى داخل فؤادي تستريح
ما كانك سمعتي غلط أو بعض أنواع الزجر
من خل حطك بالصدر من غير قلبك يستميح
كان بتعيشي بالهنا وتودعي كل الضجر
وتقولي آمر وش تبي آنا على صوتك أسيح
وآسافرك وإنتي معي وأوصلّك حدود المجر
وأكتبك بألواني شعر من حبر عينك ما يبيح
يا بنت أنا ليل الهوى وبصحبتي نور الفجر
يا بنت أنا مثل الشجر أموت لكن ماأطيح .